Lifi herramennskan!

Já ég er sammála Lubbunni horgemlingarnir uppá Íslandi vita ekkert hvað þeir hafa fyrr en þeir missa dömurnar í hendur almennilegra sjentilmanna og í forheimsku sinni fara þeir að hata útlendingana og henda í þá drullu og tómötum, einsog þeir séu að gera eitthvað rangt annað en koma rétt fram við dömurnar sem hafa fyrir því að punta sig. Horgemlingarnir ættu að líta í eigin barm og taka sér útlendingana til fyrirmyndar, þá hefði ekki verið neitt ÁSTAND hérna, íslensku dömurnar hefðu ekki litið við Ameríkönunum, og hefðu hlegið af herramannslegum tilburðum þeirra. Gleymum því ekki að Bretarnir voru hérna líka , en ekki fylgdi þeim neitt ástand þá því eins og amma segir þá voru þeir sveitalegir með svitafýlu, svipað og horgemlingarnir. En eins og Lubban segir þá á þetta ekki við um alla og útlendingarnir geta alveg verið slæmir líka... En hvenær opna íslenskir strákar hurð fyrir stelpu, eða reiða hjólið hennar, bjóðast til að halda á innkaupapokum og fleira í þeim dúr, aldrei hef ég lent í því, og þegar útlendingagreyin sem hafa fengið að gista hjá okkur á Óðinsgötunni bjóðast til að gera þessa hluti fyrir mann þá veit maður ekki hvernig á að bregðast við og fer að hlæja eins og asni og gerir grín af þeim... Æji ég veit ekki kannski er maður jafn firrtur og þessir strákræflar sem halda að þeir séu þvílíkir cavalierar ef þeir bjóða manni uppá bjór... vá!!
Anyways djammpása og prófalestur í uppsiglingu og svo enn eitt sumarið handan hornsins og merkilegt nokk hef ég ansi góða tilfinningu fyrir því, ég trúi að ég og Lubba eigum góða tíma í vænum í risinu á Smáragötunni...
Þangað til seinna, Arna Björg