Helgin framundan

Í þessum töluðu orðum er ég á leiðinni til Laufeyjar að drekka áfengi, sem þýðir að við erum báðar svo til fallnar í þessu áfengisbindindi sem hefur staðið yfir núna í 2 vikur. Laufey fór reyndar á fyllerí á mánudaginn, en það er bara af því að hún er stjórnlaus alkahólisti og skemmtanafíkill... Málið er bara að eftir erfiða viku í skólanum og lærdóm fram á nætur verður maður að gera eitthvað annað en hanga heima, annars sturlast maður, sérstaklega þegar maður býr uppí rassgati og getur aldrei lagt sig í friði fyrir öskrum úr óþolandi gelgjustrák í mútum. Djöfull er hann óþolandi! Það munaði minnstu að ég henti glasi í hausin á honum um daginn. Hvað er málið, þarf allt Grafarholt að vita að þú ert í mútum?? Ef ég væri þessi gaur þá væri ég ekkert að vekja athygli á sjálfum mér, hann er ekki það sem kallast getur augnakonfekt, Ó nei, langt frá því. En jæja Laufey bíður, bless og góða helgi.
Arna Björg