Bankaláníóláni

Undarlegheitin hafa tengt anga sína víðar. Kíkti í hraðbanka í dag tik að tékka á stöðunni minni, hafði lauslega reiknað út í huganum að ég ætti 30.000 kall til að lifa út mánuðinn. Ég var kominn með perfect plan ætlaði að taka það allt út og skipta jafnt í 4 umslög, eitt fyrir hverja viku. Debetkortinu sem NB er ekki síhringikort, ætlaði ég að loka ofan í skúffu. Ég hef nefnilega fengið mig fullsadda af því að bankadjöfullinn hirði af mér nokkra þúsundkalla í hverjum mánuði fyrir þeirra mistök að heimila færslur sem ekki er innistæða fyrir. Nú ég prenta út stöðu og sé mér til undrunar að ég á 90.000 kall. Nei, hugsa ég, hver andskotinn? Prenta út stöðu og sé þá innborgun uppá 67.000. Ekki hugmynd hvaðan hún kom, en fann samt gleðistrauma um kroppinn og sá fyrir mér dýrindis matarboð með rauðvíni og fleira, kannski nýjar buxur, flugmyða til New York með Lubbunni... Ég vonaði innilega að þetta væri uppgjör eða eitthvað frá álverinu, svo ég hraðaði mér á Kleif og kíkti í netbankann. Og hver haldiði að hafi lagt 67.000 krónurnar inn á reikninginn?? Ég sjálf frá hinum reikningnum mínum. Ég get svo svarið það að ég GERÐI ÞAÐ EKKI! Nema að ég sé til í annari vídd og tölvukerfi víddanna tveggja hafi slegið saman... Hvað er að gerast hérna, Lubban fékk líka óútskýranlega innlögn á reikninginn sinn um daginn nema sú innlöggn kom frá einhverjum öðrum, ekki henni sjálfri, og hún keypti sér miða til New York. Eru Hjónin komin með hakkara í raðir sínar sem er til alls vís, ég er viss um að símagaurinn sem var að "leggja ljósleiðara" um daginn hafi plöggað þetta með þeim. Hvað næst? Mæti ég í skólann og enginn þekkir mig, á kennitala mín eftir að hverfa og ég verð rekinn úr landi, maður spyr sig? Greinilegt að sumir hafa sambönd... Jæja hef ekki efni á að vera lengur hérna á Kleif þarf líka að fara að kaupa mér umslög og taka út 30.000 kr. Eins gott að mæta snemma á bjórkvöldið segi ég nú bara.
Góða helgi allir saman... Arna Björg